ٹیکنیکل ایجوکیشن میں سالہاسال سے نمایاں پوزیشنز لیتا آ رہا ہے نذیر احمد سکھانی

راجن پور( ڈسٹر کٹ رپورٹر)پرنسپل پروفیسر نذیر احمد سکھانی گورنمنٹ کالج آف کامرس راجن پور نے کہا ہے کہ ہمارا ادارا ٹیکنیکل ایجوکیشن میں سالہاسال سے نمایاں پوزیشنز لیتا آ رہا ہے۔انہوں نے کہا کہ اس مرتبہ بھی اپنے ادارے کے طلباء/ طالبات جنہوں نے ڈی کام پارٹ II- کے امتحان منعقدہ پنجاب بورڈ آف ٹیکنیکل ایجوکیشن لاہورمیں نمایاں پوزیشن حاصل کیں۔ ان خیالات کا اظہار انہوں نے ایک تقریب کے دوران کیا۔ اس موقع پر سٹاف کالج اور طالبات کی کثیر تعداد موجود تھی۔ آخر میں پرنسپل نے پنجاب بورڈ آف ٹیکنیکل ایجوکیشن لاہور کی طرف سے طلباء/ طالبات کو عطا کئے گئے وظائف تقسیم کئے۔جن میں 1۔ فریحہ عارف۔ ( کلاس بی کام۔I ) پنجاب بھر میں اول پوزیشن (پنجاب بورڈ آف ٹیکنیکل ایجوکیشن لاہور )،(وظیفہ مبلغ 18000/-) 2۔محمد آصف۔ (کلاس بی کام۔I ) ضلع بھر میں اول پوزیشن ) (وظیفہ مبلغ 18000/-) 3۔ اسد مہتاب۔ (کلاس بی کام - I ) ضلع بھر میں او ل پوزیشن ) ( وظیفہ مبلغ 18000/-)شامل ہیں۔