پولیو کے خلاف جنگ میں ہم سب کو حصہ لینا ہوگا ظہور حسین گجر

راجن پور (ڈسٹر کٹ رپورٹر ) پولیو کے خلاف جنگ میں ہم سب کو حصہ لینا ہوگا اور بحیثیت ضلعی انتظامیہ راجن پور یہاں کے مسائل اورغربت کو دیکھتے ہوئے یہ ایک بڑا چیلنج ہے۔مجھے امید ہے کہ آپ سب لوگ ضلعی انتظامیہ کے ہمراہ پولیو جیسے موذی مرض کو شکست فاش سے ہمکنار کریں گے اور معصوم بچوں کو ہر حال میں پولیو کے قطرے پلانے میں اپنا اہم کردار ادا کریں گے۔ان باتوں کا اظہار ڈی سی او راجنپورچوہدی ظہور حسین گجر نے پویو مہم کے جائزہ اجلاس کی صدارت کے دوران کیا۔ اس موقع پر سینئر ڈاکٹر محسن نقوی،ڈاکٹر ہاشم،ڈاکٹر آفتاب شاہ پولیو کنٹرول روم،ڈبلیو ایچ او،مرکزی و صوبائی نمائندگان،یونیسیف کے ارکان اوردیگر متعلقہ افراد نے شرکت کی۔ ڈاکٹر ہاشم اور آفتاب شاہ کی جانب سے دوران بریفنگ ڈی سی او کو بتایا گیا کہ پولیو مہم کا باقاعدہ آغاز28جون سے ہوچکا ہے اور اس میں 392575بچوں کو قطرے پلانے کا ٹارگٹ ہے۔جس میں 1054ٹیمیں حصہ لے رہی ہیں۔بشمول 960موبائل ٹیمیں،67 فکسڈ ٹیمیں اور 80ٹرانزیکشن ٹیمیں مصروف عمل ہیں۔198ایریاز انچارج اور 49زونل سپروائزر ہیں۔ابتک کی کارکردگی ٹھیک رہی ہے ،کہیں بھی کوئی دشواری کا سامنا نہیں کرنا پڑا۔امید ہے کہ 6روزہ مہم میں اپنا ضلعی ٹارگٹ حاصل کرلیں گے۔