پولیس تھانہ صدر راجن پور کی کاروائی 1 ماہ کے دوران 19 خطرناک اشتہاریوں اور11 عدالتی مفروروں کو گرفتار کرلیا

 

راجن پور (کرائم رپورٹر ) پولیس تھانہ صدر راجن پور کی کاروائی 1 ماہ کے دوران 19 خطرناک اشتہاریوں اور11 عدالتی مفروروں کو گرفتار کرلیا پولیس نے دورانِ گشت 9 مسلح افراد کی تلاشی کے دوران ناجائز آتشیں اسلحہ اور منشیات بھی برآمد کرلی تھانہ صدر کے انسپکٹر ثناء اللہ خان مستوئی نے صحافیوں سے گفتگو کرتے ہوئے کہا کہ ڈی پی او زاہد محمود گوندل کی ہدایت پر ضلعی پولیس شہریوں کی جان ومال کے تحفظ اور امن کے قیام کیلئے ہمہ وقت مصروف عمل ہے عوام کے جان ومال کی حفاظت پولیس کے اولین فرائض میں ہے پولیس کے موثر گشت کی بدولت علاقے میں جرائم میں کمی واقع ہو ئی ہے ان کا کہنا تھا کہ پولیس نے ریلوے ٹریک پر بھی گشت کو جاری رکھا ہوا ہے تاکہ مستقبل میں ماضی قریب کے رونماء ہو نے والے واقعات سے بچا جاسکے اس موقع پر ان کا کہنا تھا کہ ایک ماہ کے دوران چھیالیس درخواست دہندگان کی درخواستوں پر فوری کاروائی کی گئی انہوں نے مزید کہا کہ اُن کے دروازے سائلین کیلئے ہمہ وقت کھلے ہوئے ہیں