ڈیزل کی بوتل چھڑک کر خود کو آگ لگا دی

 

راجن پور(کرائم رپورٹر) خاوند کی صورت اور رویے سے دلبرداشتہ 19سالہ فرزانہ نے خود سوزی کا انتہائی قدم اٹھایا ۔بتایا گیا ہے کہ میاں بیوی میں اکثر جھگڑا رہتا تھا ایک سال قبل مسماۃ فرزانہ اور محب شاہ کی شادی ہوئی ۔بیوی خاوند کے مقابلے میں بہت ہی خوبصورت تھی ۔دونوں کے ہاں اولاد بھی پیدا نہ ہوئی وقوعہ کے روز بیوی نے اپنے میکے بھاگسر جانے کی خواہش ظاہر کی تو خاوند نے اس کی پٹائی کر دی اور گھر سے چلا گیا مسماۃ فرزانہ نے گھر مین موجود ڈیزل کی بوتل چھڑک کر خود کو آگ لگا دی چیخ و پکار پر ہمسائی رضیہ بی بی ،دیور صابر شاہ اور خاوند آگئے جنہوں نے آگ بجھا کر فرزانہ کو ڈسٹرکٹ ہسپتال راجن پورلے آئے اور وہاں سے اب اسے ڈاکٹروں نے نشتر ہسپتال بھیج دیا ہے ۔پولیس نے ملزمہ کے خلاف اقدام خود کشی کا مقدمہ درج کر لیا ہے