حاجی پور میں رشتے داروں نے دھوکے سے گھر میں بلاکر اپنے مخالف نوجوان کو قتل کردیاوزیرِ اعلیٰ پنجاب انصاف دلائیں

راجن پور(کرائم رپورٹر) نواحی موضع حاجی پور میں رشتے داروں نے دھوکے سے گھر میں بلاکر اپنے مخالف نوجوان کو قتل کردیا پولیس ٹاؤٹ قاتلوں کو ریلیز کرانے میں سرگرم بیوہ کا انصاف نہ ملنے پر خود سوزی کا اعلان وزیرِ اعلیٰ پنجاب انصاف دلائیں تفصیلات کے مطابق راجن پور کے نواحی موضع حاجی پور میں نصیر خان نامی نوجوان کو ملزمان سیف اللہ اسماعیل فیض اللہ اور عبدالمجید ودیگر نے نوجوان کو گھر بلایا اس دوران انہوں نے علی الصبح چار بجے نوجوان کو ذبح کرکے لاش قریبی کھیت برسیم میں ڈال دی مقتول کے بھائی خمیسیٰ خان نے میڈیا کو بتلایا کہ ہمیں اس وقوعے کا جب علم ہوا تو موضع محمد ہوڑا میں جاکر دیکھا کہ برسیم میں وسیع رقبے پر خون پھیلا ء ہوا ہے اور میرے بھائی کی نعش موجود ہے جس پر ہم نے تھانہ حاجی پور پولیس کو مطلع کیا پوسٹ مارٹم میں بھی وقوعہ صبح چار بجے کا معلوم ہوا اب بااثر افراد ملزمان کو اس واقعے سے بری الذمہ قرار دلوانے کیلئے نہ صرف تگ ودو کررہے ہیں بلکہ پولیس کو ملزمان کے بے گناہ قرار دلوانے کیلئے بھاری رشوت کی پیش کش بھی کررہے ہیں ان کا کہنا تھا کہ میرے بھائی کے قاتل یہی ہیں اس موقع پر مقتول کی بیوہ کا کہنا تھا کہ پولیس سے ہمیں انصاف ملتا نظر نہیں آتااگر مجھے اور میری معصوم بیٹی کو انصاف نہ ملا تو میں خود سوزی کرلوں گی اس موقع پر ورثاء نے بھرپور احتجاج کرتے ہوئے انصاف فراہم کرنے کا مطالبہ کیا ہے دوسری جانب تھانہ حاجی پور کے انچارج انسپکٹر امتیاز خاں چنگوانی کا کہنا تھا کہ مقدمے کے تمام پہلوؤں پر غور کررہے ہیں انشاء اللہ میرٹ پر ہی گناہ گار کئے جائیں گے اور کسی فریق کے ساتھ ہرگز زیادتی نہیں ہو گی