یوم قرار داد پاکستان کے سلسلے میں گذشتہ رو ز صنعت زار راجن پور میں محکمہ سی ڈی کے زیر اہتما م ایک تقریب منعقد کی گئی

 

راجن پور (کرائم رپورٹر) یوم قرار داد پاکستان کے سلسلے میں گذشتہ رو ز صنعت زار راجن پور میں محکمہ سی ڈی کے زیر اہتما م ایک تقریب منعقد کی گئی ۔ تقریب کا آغاز تلاوت کلام پاک اور نعت رسول ﷺ سے شروع کیا گیا ۔ اس موقع پر ای ڈی او سی ڈی و فنانس اصغر جلبانی ، اے ڈی ایل جی یعقوب شیروانی ،منیجر صنعت زار تہمنہ دلشاد اور دیگر نے خطاب کرتے ہو ئے نظریہ پاکستان اور قرار داد کی یاد تازہ کرنے اور نئی نسل کو پیغام دیا کہ یہ پاکستان بہت قربانیوں سے معرض وجود میں آیا ہے۔اس قرار داد کا مقصدتھا ہم مسلمان ایک علیحدہ قوم ہیں ۔ ہمارا مذہب ،رہن سہن، تمدن دوسری قوموں سے الگ ہے ہمارے لیئے ایک الگ ریاست ہونا چا یئے ، قائد اعظم محمد علی جناح کی کوششوں سے یہ پاکستان بنا ۔اس کے پیچھے طویل جد و جہد او ر قربانیوں کا جذبہ موجود ہے اس قرارد اد کا نعرہ گلی گلی نگر نگر پھیل گیا آخر کار پاکستان1947میں مکمل طور پر آزاد ہو ا۔اس تقریب میں معززین شہر ،سماجی تنظیموں نے بھر پور شرکت کی اور آخر میں ملک و قوم اور ضلع کی ترقی کے لئے دعا کی گئی