انڈس ھائی وے کوٹلہ عیسن کے نزدیک مسافر کوچ کار سے ٹکرا گئی

راجن پور(کرائم رپورٹر)انڈس ھائی وے کوٹلہ عیسن کے نزدیک مسافر کوچ کار سے ٹکرا گئی جس کے نتیجے میں کار سوار ایک شخص جاں بحق جبکہ ایک خاتون اور بچے سمیت چار افراد زخمی ہو گئے۔ریسکیو ٹیموں نے زخمیوں کو ضلعی ھیڈ کورٹر ہسپتال راجن پور منتقل کیا گیا ہے ۔ مسافر کوچ نمبری 7354 کراچی سے مانسہرہ جا رہی تھی ۔جبکہ کار سوارہلاک و زخمیوں کا تعلق ایک ہی خاندان سے ہے۔ ضلعی ھیڈ کورٹر ہسپتال راجن پور کے ایمر جنسی بلاک میں ایمر جسی ادویات کا فقدان ہے جس کے باعث پرمریضوں اور زخمیوں کو مشکلات کا سامنا کرنا پڑا۔زخمیوں میں دو کی حالت نازک بتائی گئی ہے۔پولیس نے حادثے کی تحقیقات شروع کرتے ہوئے قانونی کاروائی کا آغاز کر دیا ہے۔