راجن پور(نامہ نگار،کرائم رپورٹر) ڈی سی راجن پو ر غازی امان اللہ نے دانش سکول فاضل پور کی گورننگ باڈی کے اجلاس کی صدارت کرتے ہوئے کہا ہے کہ دانش سکول میں بچوں کے داخلے وزیراعلیٰ پنجاب کی پالیسی کے مطابق کئے جائیں ۔ اور ان داخل ہونے والے بچوں کی تصدیق شفاف اور دیانت داری کے ساتھ کی جائے کیونکہ ہمارا مقصد وزیراعلیٰ پنجاب کے دانش سکول کے مشن کو کامیاب بنانا ہے ۔ انہوں نے کہا کہ نئی بھرتی ہونے والے اساتذہ اور دیگر سٹاف کی بھرتی میرٹ پر کی جائے ۔ ڈی سی او نے دانش سکول کی انتظامیہ کو ہدایت کی کہ بچوں کے کھانے پینے ،رہن سہن اور طبی سہولیات کی فراہمی صحیح طریقے سے ہونی چاہیے ۔ اس موقع پر پرنسپل دانش سکول بوائز وگرلز، ٹریننگ پر آئے ہوئے افسران ، صدر ڈسٹرکٹ بار رفیع پچارایڈووکیٹ ، پرنسپل کامرس کالج نذیر سکھانی اور ڈی او سپورٹس فیصل ہمایو ں بھی موجود تھے ۔اجلاس میں سابقہ پرنسپل کی بدعنوانی بھی زیربحث لائی گئی ۔اجلاس میں بتایا گیا کہ آئندہ رہائشی ملازمین بجلی کے بل خود اداکریں گے ۔ اس کے علاوہ بھی مختلف مسائل زیر بحث لائے گئے اور ان کے حل کیلئے ڈی سی او نے یقین دہانی کرائی ۔ قبل ازیں ٹریننگ پر آئے ہوئے افسران نے دانش سکول کا تفصیلی دورہ کیا اورڈی سی او راجن پور کی بہترین کاوشوں کوسراہا۔ ڈی سی اونے بتایا کہ اس کامیابی میں میری ٹیم کا بھی کافی کردار ہے
0 comments:
Post a Comment