گورنمٹ بوائز ہا ئی سکول راجن پور نمبر 1 میں ایک بہترین تعلیمی نمائش ماڈل کے موقع پر خطاب ڈ ی سی او

راجن پور (کرائم رپورٹر) ضلعی انتظامیہ نے اپنی کوششوں سے ضلع راجن پور کی پسماندگی دور کر دی ہے ضلع راجن پور کو پسماندہ اب کو ئی نہیں کہے گا تعلیمی نمائشیں ضلع کی ترقی میں اہم کردار ادا کرتی ہیں ۔ ایسی نمایشوں سے لوگوں اور بچوں میں تعلیمی رحجان بڑھے گا ۔ یہ باتیں ڈی سی او غازی امان اللہ نے ڈسٹرکٹ ٹریننگ اینڈ سپورٹ سنٹر کے زیر اہتمام گورنمٹ بوائز ہا ئی سکول راجن پور نمبر 1 میں ایک بہترین تعلیمی نمائش ماڈل کے موقع پر خطاب کرتے ہو ئے کہیں ۔ اس موقع پر ای ڈی او تعلیم عبدالغفار لنگاہ ، سینئر ہیڈ ماسٹر چوہدری نور احمد، مولانا علی محمد پرہار ، صدر بار چوہدری رفیع پچار، صدر پریس کلب امجد فاروق، سکولوں کے ہیڈ ماسٹر و پرنسپل اور اساتذہ نے شرکت کی۔ ڈ ی سی او نے کہا کہ جن علاقوں میں دوست علم موجود ہو ں وہ علاقہ پسماندہ نہیں ہوتا ۔ ڈی سی او نے کہا کہ وزیر اعلیٰ پنجاب کا سکول داخلہ مہم اپریل میں شروع ہو رہی ہے ۔ پانچ سال سے پندرہ سال کا ہر بچہ سکول میں داخل ہونا چا ہیئے ۔ انہوں نے کہا ہے کہ تعلیمی لحاظ سے ڈویژن بھر میں پہلے نمبر پر ہے۔ اس موقع پر سینئر ہیڈ ماسٹر چوہدری نور احمد نے بتایا کہ سیکریٹری سکول ایجوکیشن کی ہدایت پر کوالٹی ایجوکیشن کو بڑھانے کے لیئے نمائش تعلمی ماڈلز بنا ئے گئے ہیں اس میں 44 کلسٹرز سنٹرز نے حصہ لیا انہوں نے بتایا کہ ہم احسن طریقہ سے بچوں کو تعلیم کی طرف راغب کر سکتے ہیں تمام استاتذہ بچوں کی تعلیم اور تربیت پر خصوصی توجہ دیں ۔ اس تقریب میں تعلیمی نمائش ماڈل بنانے والے اساتذ ہ میں تعریفی اسناد بھی تقسیم کی گئیں ۔ تقریب کے آخر میں مولانا علی محمد پرہار نے ملک اور قوم اور ضلع کی ترقی کے لیئے دعا کرائی