ضلع راجن پور کو سوئی گیس کی فراہمی کی منظوری دے دی گئی ہے سروے ٹیمیں راجن پور پہنچ گئی ہیںحفیظ الرحمن خان دریشک

راجن پور(کرائم رپورٹر) ضلع راجن پور کو سوئی گیس کی فراہمی کی منظوری دے دی گئی ہے سروے ٹیمیں راجن پور پہنچ گئی ہیں یہ بات مسلم لیگ ن کے ایم این اے سردار ڈاکٹر حفیظ الرحمن خان دریشک نے اسلام آباد سے ٹیلیفون پر مسلم لیگ ن کے ضلعی رہنماء سردار ثناء اللہ خان دریشک کو بتائی انہوں نے کہا کہ وزیر اعظم نے اس کی باقاعدہ منظوری دے دی ہے اوربجٹ میں اس منصوبہ کیلئے رقم مختص کی جائے گی انہوں نے کہا کہ عوام کا دیرینہ مطالبہ پورا کر دیا ہے سروے ٹیمیں اس وقت راجن پور میں موجود ہیں ۔پہلے مرحلے میں چاچڑان شریف سے مٹھن کوٹ،کوٹلہ نصیر اور ڈسٹرکٹ ہیڈ کوارٹر راجن پور کو گیس فراہم کی جائے گی انہوں نے بتایا کہ منصوبہ پر رقم کا تخمینہ سروے کے بعد لگایا جائے گا ۔سروے ٹیم 15روز یہاں قیام کرے گی اور منصوبے کی مکمل رپورٹ تیار کر کے وزیر اعظم کو بھجوائی جائے گی۔انہوں نے مزید کہا کہ اس سال 80کروڑ روپے کے منصوبہ جات شروع ہو چکے ہیں تحصیل روجہان کی پسماندگی کے خاتمے کیلئے 50کروڑ روپے کے فنڈز جلد جاری کر دئے جائیں گئے