راجن پور (کرائم رپورٹر)محکمہ بلڈ نگز کے زیراہتمام مختلف منصوبوں کی تعمیر کیلئے ٹینڈرز ڈسٹر کٹ کمپلیکس کے کمیٹی روم میں ہوئے اجلاس کی صدارت ڈسٹر کٹ کوآرڈینشن آفیسر غازی امان اللہ نے کی کہ جبکہ ڈسٹر کٹ آفیسر بلڈنگز افتخار چوہدری ای ڈی او فنانس غلام اصغر جلبانی ٹینڈر کمیٹی کے ممبران نے شرکت کی ڈی سی او نے اپنے خطاب میں کنٹریکٹرز سے کہا کہ وہ تعمیراتی کام میں معیار کو اولیت دیں اور ہر صورت اعلیٰ کوآلٹی کا تعمیراتی میٹرئیل استعمال کریں کسی کام میں ناقص میٹرئیل کے استعمال کے ثابت ہونے پر فرم کے خلاف بھرپور کاروائی ہو گی انہوں نے اس موقع پر مزید کہا کہ ڈسٹر کٹ گورنمنٹ کی مانیٹرنگ کمیٹی ان تعمیراتی کاموں کی مانیٹرنگ کرے گی اس موقع پر پندرہ سے زائد شیلٹر لیس اسکولز کی تعمیر سرکاری عمارات کی تعمیر کیلئے متعدد ٹھیکیداروں کے ریٹس منظور کرلئے گئے اور انہیں ان منصوبوں پر کام کر نے کی اجازت دے دی گئی دوسری جانب ذرائع سے معلوم ہوا ہے کہ درپردہ ان ٹھیکیداروں کو پہلے ہی زبانی طور پر ورک آرڈرز ایشو کئے جاچکے ہیں اور متعدد اسکولوں کا پندرہ روز سے تعمیراتی کام بھی جاری ہے ان میں گرلز پرائمری اسکول بستی کریم بخش پرہار کی عمارت جسے ایک ماہ سے ٹھیکیدار تعمیر کرنے میں مصروف عمل ہے ذرائع نے یہ بھی بتلایا ہے کہ چیف سیکرٹری سمیت اعلیٰ حکام نے ضلعی حکام پر دباؤ بڑھایا ہے کہ وہ جون سے پہلے ہی ان شیلٹر لیس سکولز کی مرمت کا کام مکمل کرائیں اس لئے یہ ٹینڈرز محض فارمیلٹی تھی اصل طور پر یہ ٹھیکے پہلے ہی الاٹ کردیئے گئے تھے