ڈی سی غازی امان اللہ نے متوقع سیلاب کے حوالے سے منعقد ہ اجلاس کی صدارت کرتے محمد اسلم

راجن پور (کرائم رپورٹر )قدرتی آفات یا فلڈ آنے کی صورت میں پہلے انتظامات مکمل کیئے جا ئیں ۔ تمام متعلقہ محکمے ابھی سے تیار ی شروع کر دیں عارضی نشتر گھاٹ پل پر کسی بھی حادثے کی صورت میں ریسکیو1122 کی ایمبولینس وقفہ وقفہ سے چکر لگاتی رہے۔ یہ بات ڈی سی غازی امان اللہ نے متوقع سیلاب کے حوالے سے منعقد ہ اجلاس کی صدارت کرتے ہوئے کہی۔ اس موقع پر ڈسٹرکٹ ایمر جنسی افسر ڈاکٹر محمد اسلم،ڈی او سی آغا حسین شاہ،ڈی او روڈ،ٹی ایم اوز،پولیس اور دیگر افسران موجود تھے۔ ڈی سی او ر نے یسکیو1122 کی ٹیموں کوہدایت کی کہ قدرتی آفات اور حادثات کی صورت میں وہ ہر وقت الرٹ رہیں۔ ریسکیو1122 کی کارکردگی کی تعریف کرتے ہو ڈی سی او نے کہا کہ مزید لوگوں کی جان و مال کی حفاظت کے لیئے چوکس رہیں۔ڈاکٹر محمد اسلم نے بتایا کہ ٹریفک قوانین پر اگر عمل کیا جا ئے تو حادثات میں کمی آسکتی ہے۔ انہوں نے بتایا کہ ایمر جنسی یا حادثہ کی صورت میں کال آنے کے دس سے پندرہ منٹ میں ریسکیو1122 میں خبر آجاتی ہے۔ زندگی کو محفوظ بنانے کے لیئے لوگوں کے لئے آگاہی پروگرام کرائے جا رہے ہیں ۔ہماری ٹیمیں لوگوں کی جان اور مال کی حفاظت کے لیئے تیار ہیں