میاں نواز شریف مفاہمت کی سیاست کے خواہاں ہیں ،معیشت کی مضبوطی کیلئے حکومتی اقدامات قابل تحسین ہیں ،میاں نواز شریف ملک کو ایشین ٹائیگر بنانے کے خواب کو عملی جامعہ ضرور پہنائیں گئے

 

راجن پور(کرائم رپورٹر) میاں نواز شریف مفاہمت کی سیاست کے خواہاں ہیں ،معیشت کی مضبوطی کیلئے حکومتی اقدامات قابل تحسین ہیں ،میاں نواز شریف ملک کو ایشین ٹائیگر بنانے کے خواب کو عملی جامعہ ضرور پہنائیں گئے ۔ان خیالات کا اظہار مسل لیگ ن کے ایم این اے سردار ڈاکٹر حفیظ الرحمن خان دریشک نے اسلام آباد سے واپسی پر اپنی رہائش گا ہ پر معززین علاقہ اور صحافیوں سے گفتگو کرتے ہوئے کیا انہوں نے کہا کہ پاکستان کا بڑا مسلۂ مہنگائی اور بے روز گاری ہے عوام کو جلد اس سے چھٹکارہ مل جائے گا انہوں نے کہا کہ وزیر اعظم تمام سیاسی قوتوں کو ساتھ لیکر چل رہے ہیں طالبان سے مذاکرات کامیاب ہو نگے اور قوم کو جلد خوشخبری ملے گی حکومتی رٹ کسی کو چیلنج نہیں کرنے دیں گئے ۔اب تک کے اقدامات سے ملکی معیشت پہلے سے مضبوط اور بہتر ہوئی ہے مزید یہ کہ حکومت کاشتکاروں کی فلاح و بہبود کیلئے مثبت پالیسیاں بنا رہی ہے دیہی علاقوں کی حالت زار بہتر بنانے کیلئے رابطہ سڑکیں،واٹر پلانٹس، سکولوں مین سٹاف،،معیار تعلیم میں بہتری،بنیادی مراکز صحت میں غریبوں کیلئے علاج و معالجہ کی سہولیات حکومت کی اولین ترجیحات میں شامل ہے اس موقع پر سردار شاہ نواز خان ایڈووکیٹ،،محمد اکرم دریشک،فدا حسین ٹانوری،جام عاشق حسین،حاجی روف دریشک،ملک منیر احمد،ملک یاسین سولنگی،زاہد حسین،اور دیگر افرد بھی موجود تھے۔