عظیم صوفی شاعر حضرت خواجہ غلام فریدؒ کاکلام آفاقی کلام ہے جس میں انسان کو زندگی گزارنے کے لیے محبت اور امن کا درس ملتاہےمجاہد جتوئی۔

راجن پور(کرائم رپورٹر) عظیم صوفی شاعر حضرت خواجہ غلام فریدؒ کاکلام آفاقی کلام ہے جس میں انسان کو زندگی گزارنے کے لیے محبت اور امن کا درس ملتاہے۔عشق رسولﷺ میں ڈوباہوایہ کلام سننے والوں پر سحر طاری کر دیتاہے۔اس کلام کی سب سے بڑی خاصیت یہ ہے کہ ایک ان پڑھ دیہاتی اور ایک پی ایچ ڈی پروفیسر دونوں برابر حظ اٹھاتے ہیں۔اور یہ دل کومتاثرکیے بغیر نہیں چھوڑتا۔جس محفل میں بھی کلام فریدؒ سنا جائے اس محفل کی کیفیت بدل جاتی ہے۔مبارک باد کے مستحق ہیں مجاہد جتوئی کہ انہوں نے سات سال کی محنت کے بعد دیوان فریدؒ کا وہ نسخہ لائے ہیں جو پچھلے تمام چھپنے والے کلام فریدؒ کا نچوڑ ہے اور اس میں10اضافی کام کیے گئے ہیں جو اس کی اہمیت کو اور زیادہ بڑھا دیتے ہیں۔تفہیم کلام فریدؒ کوسمجھنے کیلئے یہ دیوان مددرگارثابت ہوگا۔اس موقع پر مجاہد جتوئی نے کہاکہ اگر خواجہ فریدؒ میوزیم اور لائبریری کی سہولیات میسر نہ ہوتیں تو میرے لیے اتنابڑاکام کر نا ممکن نہ تھا۔دیوان فریدؒ کے چھپنے کے بعد میں سمجھتاہوں کہ میں اس کا پوری طرح حق ادانہیں کر سکااور مجھے دوبارہ موقع ملا تو اس میں جوکمی رہ گئی ہے تو اس کو پوراکرنے کی کوشش کروں گا۔دیوان فریدؒ کی پذیرائی کے سلسلے میں مختلف علاقوں میں اجتماعات جن میں بستی غوث بخش ،ماڑھی اچھے شاہ، نواں کوٹ اور خان بیلہ میں تقریبات منعقد کی گئیں