عورت فاؤنڈیشن کے تعاون سے جہان پورمیں بستی سرکی اور محلہ سادات کے آگاہی سنٹرز میں ماہانہ میٹنگ کی گئی

راجن پور(کرائم رپورٹر)کمیونٹی ایڈ راجن پور اور دیہی سماجی ترقیاتی کونسل کے زیر انتظام آواز جوابدہی پروگرام کے تحت عورت فاؤنڈیشن کے تعاون سے جہان پورمیں بستی سرکی اور محلہ سادات کے آگاہی سنٹرز میں ماہانہ میٹنگ کی گئی میٹنگ کا آغاز تلاوت کلام پاک سے شروع ہوا جس کا شرف شمائلہ نے حاصل کیااس میٹنگ میں شاہ جہاں پراجیکٹ کوآرڈینیٹر ، مدیحہ فضل سوشل موبالائزر اور طاہرہ عثمان آفس اسسٹنٹ کمیونٹی ایڈ اور مہوش جمیل نے شرکت کی۔ اس کے علاوہ تمام بستیوں کے آ واز ویلج فورم کے ممبران نے شرکت کی اس میٹنگ میں شاہ جہاں پراجیکٹ کوآرڈینیٹر نے اپنے خطاب میں کہا کہ یہ پروگرام محروم طبقات کے حقوق کے لئے متحرک ہے عورتوں اور محروم طبقے سے تعلق رکھنے والے افراد کی اس جدوجہد کو آگے بڑھاتا ہے جو انسانی حقوق کے مختلف سماجی ادارے مل کر کر رہے ہیں یہ جمہوریت کو صنفی برابری کی آنکھ سے دیکھتا ہے خواتین کے سیاسی عمل میں شمولیت اور انہیں با اختیار بنانے میں معاونت کرتا ہے دیہاتوں ، قصبات ، اور نیم شہری آبادیوں میں رہنے والے لوگوں کے آپس میں تنازعات کو پر آمن طریقے سے نمٹانے پر زور دیتا ہے ۔ اپنے تنازعات کو پر آمن اور انہیں انسانی حقوق کے مطابق حل کرنے کی صلاحیت پیدا کرتا ہے اس کے علاوہ صحت اور تعلیم کے شعبے میں مقامی لوگوں کو فیصلہ سازی کا اختیار دے کر ان کے کردار کو بڑھانے پر زور دیتا ہے ۔ اس پروگرام کا ایک پہلو یہ بھی ہے کہ یہ مذکورہ شعبوں میں جدید علم اور تحقیق کو جنم دیتا ہے ان میں کامیاب تجربات کو ماڈل کے طور پر پیش کر کے پالیسی سازی پر اثر انداز ہوتا ہے ۔ اس کے علاوہ انہوں نے مذید کہا کہ آپ اپنے علاقے کے جو بھی عورتوں کے مسائل ہو آگاہی سنٹر میں بتائیں تاکہ عورتوں کے مسائل کو بہتر طریقے سے حل کیا جائے