عید الاضحی گذر گئی مگر مہنگائی نے بدستور ڈیرے ڈالے ہوئے ہیں

راجن پور (ڈسٹر کٹ رپورٹر) عید الاضحی گذر گئی مگر مہنگائی نے بدستور ڈیرے ڈالے ہوئے ہیں سبزی ،پھل ،اشیائے خوردو نوش اور ایل پی جی گیس سلنڈرز تاحال مہنگے آفیسران عید کی چھٹیوں پرکوئی پوچھنے والا نہیں شہریوں محمد حسین ،محمد نواز،ارشاد نبیل،عبدالصمد ودیگر نے صحافیوں سے گفتگو کرتے ہوئے کہا کہ عید گذر گئی مگر گراں فروش انتظامی آفیسران کی عدم موجودگی کا فائدہ اُٹھانے میں مصروف ہیں سبزی ،پھل ،اشیائے خوردونوش اور ایل پی جی گیس تاحال مہنگے داموں دستیاب ہے ان گراں فروشوں سے کوئی پوچھنے والا نہیں ہے من مانے نرخ مقرر کررکھے ہیں جبکہ کئی دوکانداروں نے تو نرخ نامے تک آویزاں نہیں کررکھے جس سے عام شہری لٹنے پر مجبور ہیں اُنہوں نے ڈی سی او غازی امان اللہ سے نوٹس لینے کا مطالبہ کیا ہے ۔