راجن پور،بے نظیر انکم سپورٹ اسکیم کے تحت مالی امداد کی فراہمی میں پوسٹ مین رکاوٹ ،متاثرین کا ڈی سی او آفس کے سامنے احتجاج

راجن پور(ڈسٹر کٹ رپورٹر)راجن پور،بے نظیر انکم سپورٹ اسکیم کے تحت مالی امداد کی فراہمی میں پوسٹ مین رکاوٹ ،متاثرین کا ڈی سی او آفس کے سامنے احتجاج فوری طور پر پوسٹ مین رفیق اعوان کو ہٹانے کا مطالبہ راجن پورمیں بے نظیرانکم سپورٹ اسکیم کے تحت مستفید ہونے والے سینکڑوں خاندانوں نے ڈی سی او آفس کے سامنے احتجاج کیا ان متاثرین کا کہنا تھا کہ پوسٹ مین رفیق اعوان نے ٹاؤٹ چھوڑ رکھے ہیں جو مستحقین بے نظیر پروگرام سے پانچ سو روپے سے دوہزارروپے تک رشوت وصول کرتے ہیں رشوت کی رقم نہ دینے والی خواتین اور مرد وں کو ذلیل وخوار کیا جاتا ہے متاثرین کا مزید کہنا تھا کہ گذشتہ دوسالوں سے مالی امداد صحیح طریقے سے مل رہی تھی مگر جب سے رفیق اعوان نامی ڈاکیا تعینات ہوا ہے اس نے ملنے والی امدادی رقم سے آدھی رقم رشوت کے عوض کٹوتی شروع کردی ہے ڈاکخانے آنے والی خواتین کو سارا سارادن بٹھا کر شام کو بغیر امداددیئے بھگا دیا جاتا ہے متاثرین کا مزید کہنا تھا کہ پوسٹ مین کا کردار ختم کرتے ہوئے اے ٹی ایم کارڈز جاری کئے جائیں متاثرین نے انچارج بے نظیراسکیم اوروزیراعظم میاں محمدنواز شریف سے مالی امداد کی فراہمی کو رشوت سے پاک کرنے کا مطالبہ کرتے ہوئے کہا کہ ان کے گھرکی دہلیزپر یہ امدادفراہم کی جائے ۔