واپڈا کی اوور بلنگ کے خلاف فاضل پور اور راجن پور کے کسانوں کا پاکستان کسان اتحاد کی زیرقیادت واپڈا دفتر کے سامنے احتجاج واپڈا اہلکاروں کے خلاف کاروائی کر نے کا مطالبہ

راجن پور (ڈسٹر کٹ رپورٹر) واپڈا کی اوور بلنگ کے خلاف فاضل پور اور راجن پور کے کسانوں کا پاکستان کسان اتحاد کی زیرقیادت واپڈا دفتر کے سامنے احتجاج اوور بلنگ کرنے والے واپڈا اہلکاروں کے خلاف کاروائی کر نے کا مطالبہ ضلعی صدر کسان اتحاد چوہدری محمد اقبال ،نائب صدر اشفاق شاہ،خورشید بھٹی ،تحصیل جنرل سیکرٹری خلیل احمد فریدی کی زیرقیادت آج فاضل پور اور راجن پور کے کسانوں نے احتجاجی مظاہرہ کیا کسانوں کا کہنا تھا کہ کسان جو پہلے ہی مہنگائی سے دوچار ہے وہیں واپڈا ملازمین نے اووربلنگ کرکے کسانوں کو شدید مالی پریشانی سے دوچار کردیا ہے کسانوں کو ہزاروں روپوں کے اضافی بلز بجلی بھجوا کراُن پر ظلم کیا گیا ہے احتجاج کے دوران جلیل جوئیہ ،چوہدری امتیاز،شفیع محمد،فلک شیر،موسیٰ بلہوڑہ،شاہ نواز لودھی عبدالرؤف،پیر بخش آرائیں ،حافظ صدیق ودیگر شریک تھے دوسری جانب ایکسئن واپڈا راجیش کمار نے کسان اتحاد کے عہدیداروں سے ملاقات کی اور انہیں یقین دہانی کرائی کہ سوموار تک متعلقہ سب ڈویژن فاضل پور میں میٹر ریڈرز دوبارہ بھجوا کر دوبارہ ریڈ نگ کرائی جائیگی اور اگر کہیں زائد ریڈ نگ پائی گئی تو بل بجلی فوراً درست کرکے کسانوں کو ہر ممکن ریلیف فراہم کیا جائیگا