عوام بجلی چوروں کے خلاف کاروائی میں واپڈا کے ساتھ تعاون کریں عبداللطیف خان

راجن پور (ڈسٹر کٹ رپورٹر)عوام بجلی چوروں کے خلاف کاروائی میں واپڈا کے ساتھ تعاون کریں اووربلنگ پر قابو پالیا زائد ریڈنگ ڈالنے والے میٹر ریڈرز کے خلاف بھرپور کاروائی کی جائیگی واپڈا صارفین کے مسائل کا حل اولین ترجیح ہے اِن خیالات کا اظہار ایس ڈی او واپڈا عبداللطیف خان نے ایک ملاقات کے دوران کیا اُن کا کہنا تھا کہ لوڈ شیڈ نگ کی بڑی وجہ بجلی چوری ہے جسکی روک تھام کیلئے شہریوں کا تعاون بے حد ضروری ہے شہری ایسے عادی مجرموں کی نشاندہی کریں شہریوں کے نام صیغہ ء راز میں رکھ کر محکمہ اِن عادی چوروں کے خلاف نہ صرف کاروائی کرے گا بلکہ واپڈا کی تمام تنصیبات بھی اس باؤنڈری سے ہٹا لی جائیگی اُن کا کہنا تھا کہ زائد ریڈنگ کی پریکٹس سختی کے ساتھ روکنے کے احکامات جاری کردیئے ہیں اُن کا مزید کہنا تھا کہ شہریوں کے مسائل کے حل کیلئے اُن کے دفتر کے دروازے کھلے ہیں ۔