راجن پور،یومِ عثمان غنیؓ کے موقع پر اہلسنت والجماعت کی احتجاجی ریلی

راجن پور (ڈسٹر کٹ رپورٹر) راجن پور،یومِ عثمان غنیؓ کے موقع پر اہلسنت والجماعت کی احتجاجی ریلی ،جماعت کے عہدیداروں اور کارکنان نے مولانا ریاض احمد کی زیرقیادت ریلوے اسٹیشن سے کچہری چوک تک ریلی نکالی ریلی میں جام پور ،روجہان اور فاضل پور سمیت مختلف علاقوں سے جماعت اہلسنت والجماعت کے کارکنان شریک ہوئے کچہری چوک میں شرکاء سے خطاب کرتے ہوئے مقررین مولانا محمد عمر،مولانا جمشید کا کہنا تھا کہ اصحاب رسول ﷺ کے ایام سرکاری سطح پر منائے جائیں اس موقع پر مقررین نے حضرت عثمان غنیؓ کی اسلام کی اشاعت اور قرآنِ مقدس کے لئے خدمات کو سراہا مقررین کا کہنا تھا کہ صحابہ کرامؓ کے بارے میں حضور اکرم ﷺ کا فرمان ہے کہ میرے صحابہؓ ستاروں کی مانند ہیں جس کی پیروی کرو گے فلاح پاؤ گے مقررین نے اس موقع پر مطالبہ کیا کہ ملک محمد اسحاق کو رہا کیا جائے اس موقع پر کارکنان نے عزم کا اظہار کیا کہ اگر اُن کے مطالبہ کو نہ مانا گیا تو قائدین کی ہدایت پر عمل کرتے ہوئے جیل بھرو تحریک شروع کی جائیگی ۔