مادر پدر آزادی اسلامی اقدار کیلئے خطرہ ہےمفتی ارشاد احمد حقانی

راجن پور(ڈسٹرکٹ رپورٹر)مادر پدر آزادی اسلامی اقدار کیلئے خطرہ ہے کوایجوکیشن کے تعلیمی ادارے اسلامی تشخص کو نقصان پہنچا رہے ہیں انہیں بند کر کے خواتین کیلئے علیحد ہ تعلیمی ادارے بنائے جائیں ان خیالات کا اظہا ر جمیعت علماء اسلام کے تحصیل صدر مفتی ارشاد احمد حقانی،مولانا عمر فاروق،مولانا غلام یاسین شاکر اورقاری محمود احمد قاسمی نے اپنے مشترکہ بیان میں کیا انہوں نے کہا کہ کو ایجوکیشن مغربی تہذیب کی نرسری ہے اسلام نوجوان لڑکیوں اور لڑکوں کے آزادانہ ملاپ کی ہر گز اجازت نہیں دیتا جس کے سبب آج معاشرے میں بے حیائی اور فحاشی کا طوفان آیا ہوا ہے رہی سہی کسر این جی اوز نے پوری کر دی ہے اسلام عورت کی آزادی کے خلاف نہیں بلکہ سب سے زیادہ آزادی اور حقوق اسلام نے عورت کو دئے ہیں مگر اس کیلئے حدود وقیود کو پورا کیا جانا چاہیے مغربی تہذیب کے اثرات سے اسلامی اقدار اور خاندانی نظام تیزی سے متاثر ہو رہے ہیں مادر پدر آزادی سے تہذیبوں کو بھی خطرہ ہے اور کئی اس کی بھینٹ چڑھ چکی ہیں حکومت اسلامی تعلیمات کے اندر سسٹم کو بہتر بنائے سیاسی اصلاحات کے مطالبے کرنے والوں کو اسلامی تعلیمات کے خلاف قوانین کے خلاف بھی شور مچاناچاہیے ۔پاکستان اسلام کے نام پر حاصل کیا گیا تھا اور اسلامی تہذیب سے ہی یہ ملک ترقی کر پائے گا مغربی تہذیب ہمیں انتشار کی طرف لے جائے گی۔