راجن پور میں ٹریفک پولیس کے اہلکار بھولی بھالی عوام کو لوٹنے میں مصروف غضنفر عباس

راجن پور(ڈسٹر کٹ رپورٹر) راجن پور میں ٹریفک پولیس کے اہلکار بھولی بھالی عوام کو لوٹنے میں مصروف شہریوں کا ایس پی ٹر یفک ڈیرہ غازی خا ن سے نوٹس لینے کا مطالبہ شہری عبدالمعروف علی رضا، ذیشان حیدر، کامران فیصل، گوہر عباس، غضنفر عباس ، مجاہد حسین ، ذوہیب حسن نے میڈیا کے نما ئندہ سے گفتگو کے دوران بتایا کہ ستار کِٹھا اور راشد کِٹھا نے شہریوں کو ذلیل و خوار کر رکھا ہے اور رشوت کے پیسوں سے جیبیں بھرنے میں مصروف ہیں ۔ موصوف اکثرانڈس ہا ئی وے روڈ پر نظر آتے ہیں جب ان سے پوچھا جائے کہ آپکی ڈیوٹی مستقل طور پر اسی جگہ ہی لگی رہتی ہے تو جواب ملتا ہے کی ڈی سی او کے آرڈر ہیں کہ تمام رکشے موٹر سائیکل چالان کر کے بند کر دو۔ جبکہ موقع پر کوئی بھی آفیسر موجود نہ ہوتا ہے اور نہ ہی ان کے پاس کوئی اوریجنل چالان بُک ہوتی ہے۔ موقع پر پانچ سو سے لیکر ایک ہزار روپے تک کی رشوت لے کر معاملے کو رفع دفع کر دیا جاتاہے ۔ جبکہ مذکورہ بالا اہلکاران کا شہریوں کے ساتھ رویہ بھی انتہائی نازیب ہے ۔شہریوں نے ایس پی ٹریفک ڈی جی خان سے اپیل کی ہے کہ ان کرپٹ اہلکاروں کو جلد سے جلد نوکری سے فارغ کیا جائے ۔