عوام کو لوٹنے والوں اور کم وزن کر نے والوں کا محاسبہ کیا جا سکے میاں جہانگیر

راجن پور (ڈسٹر کٹ رپورٹر ) حکومت پنجاب کی طرف سے ڈسٹرکٹ لیبر آفس راجن پور کو اوزان اور پیمانہ جات کی چیکنگ اور پاسنگ کے لئے ایک جدید اور نئی لیبارٹری فراہم کر دی گئی ہے ۔ اس جدید لیبارٹری سے دودھ، ڈیزل ،پیٹرول ، سونا و چاندی، کپڑے، اور شاپش کے باٹ فوری اور درست چیک کئے جا سکیں گے انہو ں نے کہا کہ محکمہ لیبر کا جو مستری مرمت کی بجائے پاسنگ کر ے تو اس فوراََ مقامی پولیس کے حوالے کیا جا ئے اور لیبر آفس سے رجوع کیا جا ئے ۔ ان خیالات کا اظہار لیبر انسپکٹر میاں جہانگیر نے تاجروں کے ایک اجلاس کی صدارت کر تے ہو ئے کیا ۔ انہوں نے کہا کہ ڈی سی او راجن پور غازی امان اللہ نے ہدایت کی ہے ضلع بھر کے تما م شاپس ،آڑھتوں، پیٹرول پمپوں اور دیگر اداروں کے اوزان چیک کر کے درست کیئے جا ئیں تاکہ عوام کو لوٹنے والوں اور کم وزن کر نے والوں کا محاسبہ کیا جا سکے ۔ انہوں نے کہا کہ ڈی سی او کی ہدایت پر اس سلسلے میں ایک خصوصی مہم کا آغاز کیا جا چکا ہے جس میں 10سے زائد آڑھتوں کے چالان کیئے جا چکے ہیں جن کے باٹ کم وزن پائے گئے ہیں