تحصیل میونسپل ایڈمنسٹریشن کا سنیٹری انسپکٹر سال میں کروڑ روپیہ کمانے لگا

راجن پور( ڈسٹرکٹ رپورٹر) تحصیل میونسپل ایڈمنسٹریشن کا سنیٹری انسپکٹر سال میں کروڑ روپیہ کمانے لگا سال بھر افسران کی جیبیں بھی بھرتا رہا ۔عوامی حلقوں کی طرف سے تحقیقات کا مطالبہ ۔جوں جوں ملک سیاسی عدم استحکام کی طرف بڑھ رہا ہے کرپشن کی شرح اس تیزی سے بڑھ رہی ہے aیونین کونسل مٹھن کوٹ سی او یونٹ کے اہلکار کے تین سالوں میں اثاثے تین کروڑ سے بھی تجاوز کر گئے ہیں 2013کے الیکشن میں با اثر اہلکار کے حق اور مخالفت میں سیاسی جلسوں میں بھی تقریریں کی گئیں اور الیکشن کے بعد اس کا تبادلہ بھی کر دیا گیا مگر تبادلہ کرانے والوں کو جلد اسے منسوخ بھی کرانا پڑا ۔14ہزار روپے تنخواہ لینے والا بلدیہ مٹھن کوٹ کایہ سنیٹری انسپکٹر ایک شاندار کوٹھی اور کار کا مالک ہے۔حال ہی میں اس پر ایم پی اے اور ایم این اے کے نام پر بھتہ لینے کا الزام بھی عائد کیا گیا ہے ملازم مذکورہ کے اثاثے تین کروڑ سے بھی تجاوز کر گئے ہیں سماجی کارکنوں ریاض احمد ،محمد حسین،خلیل و دیگر نے اس بارے فوری تحقیقات کرانے کا مطالبہ کیا ہے ۔