غازی امان اللہ کی ہدایت پر شہر بھر کی صفائی،چھڑکا ؤ اور ناجائز تجاوزات کے لیئے بھر پور مہم کا آغاز کر دیا گیا ہے

راجن پور ( ڈسٹر کٹ رپورٹر ) ڈی سی او راجن پور غازی امان اللہ کی ہدایت پر شہر بھر کی صفائی،چھڑکا ؤ اور ناجائز تجاوزات کے لیئے بھر پور مہم کا آغاز کر دیا گیا ہے۔ جس کے لیئے مختلف ٹیمیں اور نگران مقرر کر دیئے گئے ۔ان خیالات کا اظہار اے ڈی سی محمدارشد گوپانگ نے کیا ہے۔ انہوں نے کہا کہ صفائی کے لیے سینٹری ورکرز کی ڈیوٹیاں لگا دی گئی ہیں۔ انہوں نے کہا کہ سٹریٹ لائیٹ کے لئے بھی عملہ کی ڈیوٹیاں لگا دی گئی ہیں اور شہر بھر میں لگے پودوں کی حفاظت اور ان کو پانی لگانے کے لیئے بھی سٹاف مقرر کر دیا گیا ہے۔ انہوں نے بتایا کہ روزانہ کی بنیاد پر نگران عملہ چیک کرے گا ان نگرانی کا عمل سخت ہو گا۔ غفلت برتنے والے عملے کے خلاف کاروائی کی جا ئے گی ۔