راجن پور سٹی سے بھی ولائتی شراب کی ایک بوتل برآمد کر کے ملزم کو گرفتا ر کر لیامجاہد برمانی

راجن پور(ڈسٹرکٹ رپورٹر)ماڈل تھانہ سٹی راجن پور کا نواحی علاقے میں ایک مکان پر چھاپہ مار کر دو بھائیوں سے سے 90لیٹر دیسی شراب اور 100لیٹر لہن کے علاوہ شراب کشید کرنے کے آلات بھی برآمد کرلئے ۔پولیس نے راجن پور سٹی سے بھی ولائتی شراب کی ایک بوتل برآمد کر کے ملزم کو گرفتا ر کر لیا۔تفصیل کے مطابق ماڈل تھانہ سٹی راجن پور کے انچارج مجاہد برمانی نے مخبر کی اطلاع پر نواحی قصبہ کوٹلہ مالیم میں ایک مکان پر چھاپہ مارا تو مکان کے اندر دو بھائی غلام مصطفےٰ اور لیاقت ولد رسول بخش کھیاڑہ دیسی شراب کشید کر رہے تھے پولیس نے دونوں بھائیوں کو موقع پر سے گرفتار کر لیا اس موقع پر پولیس کو 90لیٹر دیسی شراب ،100لیٹر لہن بھی ہاتھ لگی جسے پولیس نے شراب کشید کرنے کے آلات سمیٹ اپنی تحویل میں لے لیا پولیس نے راجن پور سٹی میں مخبر کی اطلاع پر چھاپہ مارا تو پولیس کو ایک بوتل ولائتی شراب ملی شراب رکھنے والے شخص کو بھی پولیس نے گرفتار کر لیا ۔