ضلع راجن پور کی تعمیر وترقی میرا فرض تھاغازی امان الل

راجن پور (ڈسٹر کٹ رپورٹر) ڈسٹر کٹ کوآرڈنیشن آفیسر غازی امان اللہ نے کہا ہے کہ ضلع راجن پور کی تعمیر وترقی میرا فرض تھاجو میں نے نبھایا یہ کسی پر احسان نہیں ترقیاتی کاموں سے ضلع بھر کے عوام میں شعور بیدار ہوا اب یہ ضلع پسماندہ نہیں رہا یہ ضلع انشاء اللہ پنجاب کے باقی اضلاع کی صف میں کھڑا ہوگا ضلع کی ترقی میں تعاون کرنے پر وکلاء ،علماء ،صحافیوں اور سول سوسائٹی کا مشکور ہوں اب یہ شعبہ ہائے زندگی سے وابستہ شخصیات کا فرض ہے کہ وہ ضلع کی مزید ترقی میں کردار ادا کریں ان خیالات کا اِظہار عید ملنے کے لئے آنے والی سول سوسائٹی کی شخصیات سے ملاقات کے دوران کیاڈی سی او کا کہنا تھا کہ میں نے تعمیر شدہ پارکس کے نام یہاں کی قابل علمی وانسانی خدمات سرانجام دینے والی شخصیات کے نام سے منسوب کئے تاکہ یہاں کے باسیوں کو ان شخصیات کی خدمات بارے ادراک ہو اس ملاقات میں معروف تاجر اصغر خان بزدار ،آپریشن منیجرنیشنل بینک زاہد مزاری ،سردار محمد یوسف خان گبول، محمداسحاق گبول ،اے ڈی سی محمدارشد خان گوپانگ ،معروف تاجر عبدالرشید ساجد ،ڈی ایم او قمرالزمان قیصرانی،اے سی چوہدری محمد مختار،تحصیلدار محمد اعظم گوپانگ ،ایم ایس ہسپتال ڈاکٹر امجد علی ہاشمی ،ڈی او سی او محمد یعقوب شیروانی،ضلعی جنرل سیکرٹری مسلم لیگ ن شیخ ولی محمد ساجد ایڈووکیٹ ودیگر شخصیات موجود تھیں قبل ازیں ڈسٹرکٹ کمپلیکس کے آفیسران وملازمین نے سپر نٹنڈ نٹ عبدالستار سونترہ کی قیادت میں ڈی سی او سے عید ملے اور اُنہیں عید کی مبارکباد پیش کی۔