پید ا وار اور آمد ن بڑ ھانےکیلئے جد ید طر یقہ کا شت اپنا یا جا ئےزرعی ما ہر

راجن پو ر(ڈسٹر کٹ رپورٹر )فصلوں کی فی ایکڑ پیداواربڑھانے والے عوامل میں کھادوں کا حصہ 50فیصد سے زائدہے جبکہ کھادوں کا غیرمتوازن استعمال پیداوار میں ٹھہراؤ کا سبب ہے ۔ غیرموزوں کھادوں کے انتخاب ، غلط وقت اورطریقہ استعمال کی وجہ سے کھادوں کی افادیت اور فصلوں کی پیداوار متاثرہوتی ہے ۔منافع بخش زراعت کیلئے ضروری ہے کہ کھادوں کا استعمال تجزیہ اراضی کے نتیجے مرتب کردہ سفارشات کی روشنی میں کیا جائے۔فوجی فرٹیلائزر کمپنی بلامعاوضہ تجزیہ اراضی کی سہولت کاشتکاروں کو ان کی دہلیز پر فراہم کر رہی ہے۔ ان خیالات کا اظہار فوجی فرٹیلائزر کمپنی کے زرعی ماہر ڈاکٹر عباس عزیز نے سکنہ شاہ والامحمدپوردیوان میں کاشتکاروں کے اجلاس سے خطاب کرتے ہوئے کیا۔ انہوں نے کہا کہ تجزیہ زمین سے کاشتکارنہ صرف زمین کی ساخت، کلروتھور، نائٹروجن ، فاسفورس ، پوٹاش ، زنک ،بوران نامیاتی مادہ کی مقدارمعلوم کرسکے ہیں بلکہ تجزیہ کی روشنی میں مرتب کردہ سفارشات پر عمل کرکے زمین کی زرخیزی کوبحال اور اس میں اضافہ بھی کرسکتے ہیں۔ انہوں نے کہا کہ وہ دستیاب وسائل کے دانشمندانہ استعمال سے نہ صرف فصلوں کی پیداواری لاگت میں کمی لائی جاسکتی ہے ،بلکہ فی ایکڑپیداوارمیں بھی اضافہ ممکن ہے۔انہوں نے کہا کہ ایف ایف سی اس سلسلے میں کاشتکاروں کی بھرپوراندازمیں زرعی رہنمائی کررہی ہے اوردورجدید کے تقاضوں کو مد نظررکھتے ہوئے کاشتکاروں کی رہنمائی کیلئے فری ہیلپ لائن کا قیام بھی کاشتکارکی زرعی بہبود ہے۔اب کاشتکاروں کو بھی چاہیے کہ وہ روائتی طریقوں کو ترک کرکے کاشتکاری کو سائنسی خطوط پر استوار کریں۔انہوں نے اجلاس کے شرکاء پر زوردیتے ہوئے کہا کہ زرعی مداخل کے غلط طریقہ استعمال کے باعث ان کا بیشتر حصہ ضائع ہونے کی وجہ سے فصلوں کی پیداواری لاگت میں اضافہ اور منافع میں کمی ہوجاتی ہے ۔ اس سے قبل فوجی فرٹیلائزر کمپنی کے ڈسٹرکٹ آفیسرراجن پورشیراز اشرف نے کاشتکاروں سے گفتگوکرتے ہوئے کہا کہ فوجی فرٹیلائزرکمپنی پورے ملک پھیلے ہوئے اپنے ڈیلرنیٹ ورک کے زریعے تمام کھادوں کی کاشتکاروں کو بروقت فراہم کررہی ہے۔اس کے علاوہ ایف ایف سی اپنے قیام سے ہی کاشتکاروں کو کھادوں کی تقسیم وترسیل کے ساتھ ساتھ فصلوں کی پیداوار میں اضافے کیلئے ہر قسم کی رہنمائی فراہم کر رہی ہے۔ لہذا کاشتکاروں کو چاہیے کہ وہ جدید طریقہ کاشت کو اپنائیں تاکہ پیداواراور آمدن میں اضافہ ہوسکے ۔