پیپلز پارٹی پنجاب میں پہلے سے زیادہ مضبوط ہوگی محمد یوسف خان گبول

راجن پور (ڈسٹرکٹ رپورٹر) 26 مارچ کو ضلع رحیم یار خان میں تاریخی جلسہ ہوگا پیپلز پارٹی پنجاب میں پہلے سے زیادہ مضبوط ہوگی کارکن پارٹی کی مضبوطی کے لئے سر تن من کی بازی لگادیں یہ باتیں صوبائی ٹکٹ ہولڈر پی پی حلقہ 249 سردار محمد یوسف خان گبول نے پارٹی کارکنان کے اہم اجلاس سے خطاب کرنے کے بعد میڈیا سے گفتگو کے دوران کہیں اُن کا کہنا تھا کہ چئیر مین پیپلز پارٹی بلاول بھٹو زرداری نے عزم کررکھا ہے کہ وہ شہیدوں کی اس پارٹی کو پہلے سے زیادہ مضبوط بنائیں گے اور اس حوالے سے پنجاب بھر میں تنظیمی لحاظ سے پارٹی کو مزید مضبوط کیا جائیگا اُن کا کہنا تھا کہ ضلع راجن پور سے کئی سو گاڑیوں پر مشتمل قا فلہ ضلع رحیم یار خان پہنچ کر اپنے نوجوان قائد بلاول بھٹو زرداری کااستقبال کریگا ۔