راجن پور کے سہولت بازاروں کا دورہ اشیائے خوردو نوش کے نرخ چیک کئے خریداری کر نے والے صارفین سے بھی اشیاء کی قیمتوں بارے استفسار کیا

راجن پور (کرائم رپورٹر) پرائس کنٹرول مجسٹریٹ زاہد محمود مزاری کا راجن پور کے سہولت بازاروں کا دورہ اشیائے خوردو نوش کے نرخ چیک کئے خریداری کر نے والے صارفین سے بھی اشیاء کی قیمتوں بارے استفسار کیا نرخنامے نمایاں جگہوں پر آویزاں کرنے کی ہدایت پرائس کنٹرول مجسٹریٹ زاہد محمود مزاری نے سبزیوں پھلوں اور اشیائے ضروریہ کے نرخ چیک کئے انہوں نے اس موقع پر دوکانداروں کو ہدایت کی کہ وہ گراں فروشی سے اجتناب کریں انہوں نے کہا کہ حکومت پنجاب نے عام آدمی کو ریلیف فراہم کرنے کیلئے بے پناہ اقدامات کئے جس سے اشیاء کے نرخوں میں غیر معمولی کمی واقع ہوئی ہے حکومت چاہتی ہے کہ یہ ریلیف عام آدمی تک لازمی پہنچے اس موقع پر قاضی شاہد اور دیگر اہلکار بھی موجود تھے