نسداد پولیو کی قومی مہم میں اپنا بھر پور کردار ادا کریں محمد ارشد گوپانگ

راجن پور (ڈسٹر کٹ رپورٹر ) تمام مکاتب فکر کے لوگوں کو چاہئے کہ انسداد پولیو کی قومی مہم میں اپنا بھر پور کردار ادا کریں ۔ان خیالات کا اظہار ایڈیشنل ڈسٹرکٹ کلکٹر محمد ارشد گوپانگ نے ڈسٹرکٹ ہیڈ کوآرٹر ہسپتال میں بچوں کو پولیو کے قطرے پلا کر مہم کا افتتاح کرتے ہوئے کیا۔اس موقع پرڈی او صحت ڈاکٹر عبداللہ جلبانی،ڈپٹی ڈی ایچ او ڈاکٹر محبت علی،ایم ایس ڈاکٹر امجد شاہ اور دیگر متعلقہ افسران نے شرکت کی۔اے ڈی سی نے کہا کہ اس قومی مہم میں کسی قسم کی غفلت اور غلطی کی گنجائش نہ ہے۔ڈی ایچ او ڈاکٹر عبداللہ جلبانی نے اے ڈی سی کو بتایا کہ اس مہم میں 3لاکھ 83ہزار 640بچوں کو ویکسین پلائی جائے گی۔یہ پولیو مہم 16فروری سے 20فروری تک جاری رہے گی۔اس مہم میں 48زونل سپر وائزر ،171ایریا انچارج ،833موبائل ٹیمیں ،65فکسڈ جبکہ 75ٹرانسپورٹ ٹیمیں حصہ لے رہی ہیں۔آخر میں اے ڈی سی نے کہا کہ اس تین روزہ مہم کے دوران کوئی بھی بچہ قطرے پینے سے رہ نہ جائے۔ والدین کو چاہئے کہ وہ محکمہ صحت کی ٹیموں کے ساتھ تعاون کریں۔