ایک دن کشمیر ضرور پاکستان کا حصہ بنے گا محمد ارشد گوپانگ

راجن پور ( ڈسٹر کٹ رپورٹر ) ایک دن کشمیر ضرور پاکستان کا حصہ بنے گا کیونکہ کشمیر پاکستان کی شہہ رگ ہے۔ان خیالات کا اظہار ایڈیشنل ڈسٹرکٹ کلکٹر محمد ارشد گوپانگ نے یوم یکجہتی کشمیر کے حوالے سے سوشل ویلفیئر کمپلیکس کے شعبہ صنعت زار میں منعقدہ ایک تقریب سے خطاب کرتے ہوئے کیا۔اس موقع پر ای ڈی او زراعت ملک سیف الرحمان، ای ڈی او سی ڈی اصغر جلبانی،مولانا علی محمد صدیقی ، محمد اقبال گیلانی ،ڈی او سوشل ویلفیئر شازیہ نواز،ڈپٹی ڈی او تہمینہ دلشاد،مشتاق رضوی،لیبر انسپکٹر میاں جہانگیر،اور دیگر لوگوں کی کثیر تعداد نے شرکت کی۔اس موقع پر مقررین نے خطاب کرتے ہوئے کہا کہ کشمیریوں کی حمایت اور مدد ہم پر فرض ہے ۔ کشمیر کی آزادی کیلئے ہمیں تعصبات سے پاک ہوکر متحدہونا پڑے گا۔ جغرافیائی لحاظ سے کشمیر پاکستان کا حصہ ہے ۔ اس کے بغیر پاکستان نامکمل ہے ۔ پاکستان کلمہ طیبہ کی بنیاد پر حاصل کیا گیا ۔اور انشاء اللہ وہ دن دور نہیں جب کشمیر کوہم آزاد دیکھیں گے۔ علاوہ ازیں ڈسٹرکٹ گورنمنٹ کی ہدایت پر سینئر ہیڈ ماسٹر چوہدری نوراحمد کی قیادت میں یوم کشمیر کے حوالے سے ایک واک بھی کی گئی ۔