انسداد پولیو مہم کے دوران تمام متعلقہ ادارے محکمہ صحت کے ساتھ اپنے تعاون کو یقینی بنائیں آفتاب احمد

راجن پور ( ڈسٹر کٹ رپورٹر ) انسداد پولیو مہم کے دوران تمام متعلقہ ادارے محکمہ صحت کے ساتھ اپنے تعاون کو یقینی بنائیں ۔ان خیالات کا اظہار ڈی او سی آفتاب احمد نے ڈی سی او غازی امان اللہ کی ہدایت پر پولیو مہم کے سلسلہ میں سیکٹرز انچارج کے منعقدہ اجلاس سے خطاب کرتے ہوئے کیا۔اس موقع پرڈی او صحت ڈاکٹر عبداللہ جلبانی،ڈبلیو ایچ او کے نمائندہ ،پولیو کنٹرول روم انچارج ، ڈاکٹر علی ہاشمی اور دیگر متعلقہ افسران نے شرکت کی۔ڈی او سی نے کہا کہ اس قومی مہم میں کسی قسم کی غفلت اور غلطی کی گنجائش نہ ہے۔ڈی ایچ او ڈاکٹر عبداللہ جلبانی نے ڈی سی او کو بریفنگ دیتے ہوئے بتایا کہ اس مہم میں 3لاکھ 83ہزار 640بچوں کو ویکسین پلائی جائے گی۔یہ پولیو مہم 16فروری سے 18فروری تک جاری رہے گی۔اس مہم میں 48زونل سپر وائزر ،171ایریا انچارج ،833موبائل ٹیمیں ،65فکسڈ جبکہ 75ٹرانسپورٹ ٹیمیں حصہ لے رہی ہیں۔آخر میں ڈی او سی نے کہا کہ اس تین روزہ مہم کے دوران کوئی بھی بچہ قطرے پینے سے رہ نہ جائے۔تمام مکاتب فکر کے لوگ اور بچوں کے والدین کو چاہئے کہ وہ محکمہ صحت کی ٹیموں کے ساتھ تعاون کریں۔