راجن پورسانحہ شکار پور ،شیعہ تنظیموں کی مشترکہ احتجاجی ریلی ،واقعہ کی سخت الفا ظ میں مذمت علامہ مبشر الحسن

راجن پور (ڈسٹر کٹ رپورٹر) سانحہ شکار پور ،شیعہ تنظیموں کی مشترکہ احتجاجی ریلی ،واقعہ کی سخت الفا ظ میں مذمت حکومت شہریوں کی حفاظت میں ناکام ہوچکی ،دہشت گردی کے خاتمہ کے لئے کوئی دباؤ قبول نہ کیا جائے تفصیلات کے مطابق سانحہ ء شکار پور کے خلاف مرکزی امام بارگاہ سے کچہری چوک تک احتجاجی ریلی نکالی گئی ریلی کے شرکاء نے بینرز اور پلے کارڈز اُٹھا رکھے تھے جن پر مطالبات درج تھے اس موقع پر شرکاء سے خطاب کرتے ہوئے مقررین علامہ مبشر الحسن ،سید احسن شمسی ،موسیٰ رضا جسکانی ودیگر کا کہنا تھا کہ آئے روز دہشت گردی کے واقعات نے عوام کو خوف میں مبتلاء کررکھا ہے دہشت گرد مسلمان تو کیا انسان کہلوانے کے حق دار نہیں جنہوں نے نہتے نمازیوں پر حملہ کیا اور انہیں خون میں نہلایا اس موقع سٹی پولیس کی بھاری نفری ریلی کے اطراف میں موجود رہی ۔