ٹریفک پولیس ضلع راجن پور میں اپنے فرائض محنت اور جانفشانی کے ساتھ انجام دے رہی ہے

 

راجن پور (کرائم رپورٹر)راجن پور کی سماجی شخصیات ریاض احمد منظور خان طالب حسین اور سابق کونسلر حاجی زوار حسین کا کہنا ہے کہ ٹریفک پولیس ضلع راجن پور میں اپنے فرائض محنت اور جانفشانی کے ساتھ انجام دے رہی ہے جس سے ٹریفک کے نظام میں کسی حد تک بہتری آئی ہے مگر چند ایسے عناصر جو اپنے مذموم عزائم کی تکمیل چاہتے ہیں وہ مسلسل پروپیگنڈا کررہے ہیں اور ٹریفک پولیس کے خلاف بے بنیاد ہرزہ سرائی میں مصروف ہیں ایسے بیانات کی مذمت کرتے ہیں چونکہ یہ عناصر ٹریفک قوانین کی خلاف ورزی میں مصروف ہیں اس لئے وہ ٹریفک پولیس کے خلاف آئے روز الزامات عائد کرتے رہتے ہیں انہوں نے ایس پی ٹریفک ڈیرہ غازیخان اور ڈی پی او راجن پور زاہد محمود گوندل سے ایسے منفی عناصر کے خلاف کاروائی کرنے کا مطالبہ کیا ہے جو سرکاری اہلکاروں کو اُن کے فرائض کی تکمیل کے دوران اثر انداز ہوتے ہیں