وزیر اعلیٰ پنجاب یوتھ فیسٹیول تقریری مقابلہ جات کا آغاز

راجن پور (ڈسٹر کٹ رپورٹر )وزیر اعلیٰ پنجاب یوتھ فیسٹیول (تقریری مقابلہ جات) کا آغازگورنمنٹ پوسٹ گریجویٹ کالج اور گورنمنٹ گرلز ڈگری کالج راجن پورسے کر دیا گیاہے یہ مقابلہ جات رواں ہفتہ تک جاری رہیں گے۔ان خیالات کا اظہار ڈپٹی ڈائریکٹر کالجز راجن پور پروفیسر کلیم اختر قریشی نے تقریری مقابلہ جات کے آغاز کے موقع پر کیا۔اس موقع پر اسسٹنٹ ڈائریکٹر کالجز فخر لطیف بزدار بھی موجود تھے۔ ڈپٹی ڈائریکٹر کالجز نے کہا کہ ان تقریری مقابلہ جات میں ضلع بھر سے کالجز کے طلباء و طالبات حصہ لیں گے۔مزید برآں انہوں نے بتایا کہ اول،دوئم اور سوئم پوزیشن ہولڈرز طلباء و طالبات کو ڈویثرن لیول کے مقابلہ جات کے لئے ڈیرہ غازی خان ڈویثرن بھیجا جائے گا۔