پیداواربڑھانے والے عوامل میں کھادوں کا حصہ 50فیصدہےڈاکٹر عباس عزیز

را جن پور (ڈسٹر کٹ رپورٹر)فصلوں کی فی ایکڑ پیداواربڑھانے والے عوامل میں کھادوں کا حصہ 50فیصد سے زائدہے جبکہ کھادوں کا غیرمتوازن استعمال پیداوار میں ٹھہراؤ کا سبب ہے ۔ غیرموزوں کھادوں کے انتخاب ، غلط وقت اورطریقہ استعمال کی وجہ سے کھادوں کی افادیت اور فصلوں کی پیداوار متاثرہوتی ہے ۔منافع بخش زراعت کیلئے ضروری ہے کہ کھادوں کا استعمال تجزیہ اراضی کے نتیجے مرتب کردہ سفارشات کی روشنی میں کیا جائے۔فوجی فرٹیلائزر کمپنی بلامعاوضہ تجزیہ اراضی کی سہولت کاشتکاروں کو ان کی دہلیز پر فراہم کر رہی ہے۔ ان خیالات کا اظہار فوجی فرٹیلائزر کمپنی کے زرعی ماہر ڈاکٹر عباس عزیز نے جھکڑچوک جام پورمیں کاشتکاروں کے اجلاس سے خطاب کرتے ہوئے کیا۔ انہوں نے کہا کہ تجزیہ زمین سے کاشتکارنہ صرف زمین کی ساخت، کلروتھور، نائٹروجن ، فاسفورس ، پوٹاش ، زنک ،بوران نامیاتی مادہ کی مقدارمعلوم کرسکے ہیں بلکہ تجزیہ کی روشنی میں مرتب کردہ سفارشات پر عمل کرکے زمین کی زرخیزی کوبحال اور اس میں اضافہ بھی کرسکتے ہیں۔ انہوں نے فصلوں کی فی ایکڑ پیداوار میں کمی کے اسباب پر روشنی ڈالتے ہوئے کہا کہ کاشتکاربہتر منصوبہ بندی سے دستیاب وسائل کو استعمال کرکے ہیں تاہم ضرورت اس امرکی ہے جدید پیداوری ٹیکنالوجی کا استعمال بہترمنصوبہ بندی سے کیاجائے۔انہوں نے اجلاس کے شرکاء پر زوردیتے ہوئے کہا کہ زرعی مداخل کے غلط طریقہ استعمال کے باعث ان کا بیشتر حصہ ضائع ہونے کی وجہ سے فصلوں کی پیداواری لاگت میں اضافہ اور منافع میں کمی ہوجاتی ہے ۔ اس سے قبل فوجی فرٹیلائزر کمپنی کے ڈسٹرکٹ آفیسرراجن پورشیراز اشرف نے کاشتکاروں سے گفتگوکرتے ہوئے کہا کہ فوجی فرٹیلائزرکمپنی پورے ملک پھیلے ہوئے اپنے ڈیلرنیٹ ورک کے زریعے تمام کھادوں کی کاشتکاروں کو بروقت فراہم کررہی ہے۔اس کے علاوہ ایف ایف سی اپنے قیام سے ہی کاشتکاروں کو کھادوں کی تقسیم وترسیل کے ساتھ ساتھ فصلوں کی پیداوار میں اضافے کیلئے ہر قسم کی رہنمائی فراہم کر رہی ہے۔ لہذا کاشتکاروں کو چاہیے کہ وہ جدید طریقہ کاشت کو اپنائیں تاکہ پیداواراور آمدن میں اضافہ ہوسکے ۔