یتیم بچیوں کی شادیاں بیواؤں کی مالی معاونت کرنا ہمارا مشن ہے محمد آصف رشید

راجن پور (ڈسٹر کٹ رپو رٹر )یتیم بچیوں کی شادیاں جبکہ بیواؤں کی مالی معاونت کرنا ہمارا مشن ہے بے روزگاری کے خاتمے کے لئے 2016لبیک روزگار اسکیم کی شروعات کا سال ثابت ہوگا ۔ان خیالات کا اظہارمقامی این جی اولبیک ویلفئیر فاؤنڈیشن منیجنگ ڈائریکٹر محمد آصف رشید نے روزگار اسکیم کے افتتاحی تقریب میں کیا۔انہوں نے کہا کہ لبیک ویلفئیر فاؤنڈیشن کی بنیاد ہی اس لئے رکھی ہے کہ بے روزگاری کا خاتمہ کر کے پاک وطن کو ترقی و خوشحالی کی راہ پر گامزن کرنے میں مدد فراہم کرنا ہے ،اس موقع پر سی ای او اے ڈی عامر تھہیم ،پروجیکٹ منیجر محمد آصف رفیق کورائی بلوچ جبکہ ایگزیکٹو ممبران کے ہمراہ ،وارڈ نمبر 9 میں فیض رسول جبکہ وارڈ نمبر 4 کے عابد حسین حجام کی دوکان کا افتتاح کیا گیا ،اس موقع پر لبیک ویلفئیر فاؤنڈیشن کی طرف سے ہئیر ڈریسر کی الیکٹرک مشین سمیت متعدد سامان تقسیم کیا گیا ، اس موقع پر منیجنگ ڈائریکٹر کی طرف سے مارچ کے مہینے میں اجتماعی شادیاں کرانے کا بھی اعلان کیا جس میں یتیم بچیوں کو جہیز فنڈز فراہم کئے جائیں گے۔