تعلیمی اداروں کے اندراورباہر اشیاء خوردونوش فروخت کرنے والوں کے لئے ڈسٹرکٹ فوڈاتھارٹی ڈسٹرکٹ گورنمنٹ راجن پور سے اجازت نامہ لینا لازمی قرار

راجن پور (ڈسٹر کٹ رپورٹر)وزیراعلیٰ پنجاب کی خصوصی ہدایت پر ڈسٹرکٹ کوارڈینیشن آفیسر راجن پور ظہورحسین گجر نے ڈسٹرکٹ فوڈاتھارٹی ڈسٹرکٹ گورنمنٹ راجن پور کے تحصیل اور ڈسٹرکٹ فوڈانسپکٹروں کو ضلع بھرمیں تعلیمی اداروں ، سرکاری و نجی سکولوں، کالجوں ، اکیڈمیوں، انسٹیٹیوٹس کے اندراورباہر ناقص، غیرمعیاری اور مضرصحت اشیاء کی تیاری اور فروخت کے خلاف کاروائی کرنے کی سختی سے ہدایت کر دی ۔ تعلیمی اداروں کے اندراورباہر اشیاء خوردونوش فروخت کرنے والوں کے لئے ڈسٹرکٹ فوڈاتھارٹی ڈسٹرکٹ گورنمنٹ راجن پور سے اجازت نامہ لینا لازمی قرار۔ ضلع بھر کے ہسپتالوں کی کینٹینوں ، ڈسٹرکٹ جیل راجن پور ، تھانوں ، چوکیوں، اور پنجاب کانسٹیبلری کے مس اور دیگرجگہوں پر بھی ناقص، غیرمعیاری اور مضرصحت اشیاء کی خرید ، تیاری ، اور استعمال کے خلاف فوری کاروائی کرنے کے احکامات جاری ۔ اداروں کے سربراہان اداروں میں معیاری ، صحت منداشیاء کی فراہمی کو یقینی بنائیں۔ ان ہدایات پر عمل کرتے ہوئے ایڈیشنل ڈسٹرکٹ کلکٹر/ ڈائریکٹرفوڈآپریشن ارشدخان گوپانگ ، ایگزیکٹوڈسٹرکٹ آفیسرہیلتھ راجن پور ڈاکٹرفیاض کریم لغاری، ڈسٹرکٹ آفیسرہیلتھ راجن پور ڈاکٹرصدیق احمدکی سربراہی میں ڈسٹرکٹ فوڈانسپکشن ٹیم کے انچارج ڈسٹرکٹ فوڈانسپکٹرمحمداکرم وسیم نے فوری طورپر ان ہدایات پر عملدرآمدکرتے ہوئے اپنی ٹیم کے ہمراہ ڈسٹرکٹ پبلک سکول (DPS) راجن پور کی کینٹین کو چیک کیاگیا۔ دوران چیکنگ ، معائنہ، انسپکشن، صفائی ستھرائی کے ناقص انتظامات پائے گئے ۔ کھانے پینے کی اشیاء کو ناقص اور حفظان صحت کے خلاف پایاگیا۔ ملازمین کی صفائی ، صحت ، سٹورکی صورت حال بھی غیرتسلی بخش پائی گئی ۔ ملازمین کے میڈیکل ہیلتھ سرٹیفکیٹس ، مالکان /کنٹریکٹرکی کاروباری رجسٹریشن اور فوڈلائسنس بھی نہ پائے گئے۔ اور موقع پر کرلیز ، کرکرے، پیسپی500mlپلاسٹک، پاپولرمینگو جوئس ، پاپولرایپل جوئس260mlپلاسٹک، بسگوڈ، لوسٹیبری ویفرز13 گرام ، مقامی پاپربوم بوم ، چاکلیٹ کی بھاری تعدادمیں ایکسپائری اور نان برانڈڈ مضرصحت اشیاء کی بڑ ی مقداربرآمدہوئیں۔ جن کو فوری طورپرقبضہ میں لیتے ہوئے فردمقبوضگی مرتب کرکے مالک /کنٹریکٹر کی موجودگی میں ہی DPSراجن پور کی کینٹین کو تالے لگا کر چابیاں کنٹریکٹر عبدالحمید ولد شیرمحمد قوم بھٹی کے حوالے کرتے ہوئے فوری طورپر سیل کردیاگیااور ڈسٹرکٹ فوڈاتھارٹی ڈسٹرکٹ گورنمنٹ راجن پور نے سیل کرنے کامونوگرام بھی موقع پر ثبت کردیاگیا۔ اس کینٹین ، تالے، چابیاں اور مال مسروقہ کی حفاظت کی ذمہ داری بھی متذکرہ کنٹریکٹر کو سونپ دی گئیں اور تھانہ سٹی راجن پور میں متذکرہ مالک کے کنٹریکٹرکیخلاف حسب ضابطہ پنجاب پیورفوڈآرڈینینس 1960ء ترمیمی 2015ء ، تعذیرات پاکستان 1860ء و دیگرقوانین کے تحت مقدمہ نمبر 76/16 مورخہ 11/02/2016 کے تحت درج کرادیاگیاہے اور تھانہ سٹی راجن پور کے SHOنے مقدمہ درج کرکے مزیدکاروائی شروع کردی ہے۔ اسی طرح ڈسٹرکٹ فوڈاتھارٹی راجن پور نے DPSراجن پور کی کینٹین سے کرلیز کرکرے 80گرام ، پاپولرمازامینگوجوئس 250mlچوکوراما بسکٹ 54 گرام اور سیون اپ 300mlکے سیمپل لے کرفوری طورپر تجزیہ کے لئے حکومت پنجاب کی مقررکردہ فوڈٹیسٹنگ لیبارٹری میں تجزیہ کے لئے بھیج کردئیے گئے ہیں۔ جن کے نتیجہ جات موصول ہونے پر مزیدکاروائی بھی عمل میں لائی جائیگی کیونکہ ڈسٹرکٹ فوڈاتھارٹی ڈسٹرکٹ گورنمنٹ راجن پور کا مقصد ان اداروں میں سستی ،معیاری ، وزن میں پوری اور حفظان صحت کے عین مطابق اشیاء خوردونوش کی ترسیل کو یقینی بناناہے۔