راجن پور، انڈس ہائی وے پر شاہ والی کے قریب مسافر ویگن کا ٹائیر پھٹ گیا

راجن پور (ڈسٹرکٹ رپورٹر)راجن پور، انڈس ہائی وے پر شاہ والی کے قریب مسافر ویگن کا ٹائیر پھٹ گیا ،ویگن قلابازیاں کھا کر اُلٹ گئی ایک مسافر جاں بحق جبکہ پندرہ زخمی ہوگئے تین زخمیوں کی حالت نازک ہونے کے باعث اُنہیں شیخ زائد ہسپتال رحیم یارخان بھجوا دیا گیا دیگر زخمیوں کو تحصیل ہیڈ کوآرٹر ہسپتال روجہان منتقل کردیا گیا تفصیلات کے مطابق ریسکیو انچار ج ڈاکٹر محمداسلم کے مطابق سیہون شریف میلہ سے مسافر ویگن واپس پاک پتن جارہی تھی کہ شاہ والی کے قریب اِنڈس ہائی وے پر مسافر ویگن کا ٹائیر پھٹ گیا جس کے باعث ویگن قلا بازیاں کھاتی ہوئی اُلٹ گئی اس حادثہ میں ایک مسافر کے جاں بحق ہونے کی اطلاع ملی ہے جبکہ پندرہ مسافر زخمی ہوئے شدید زخمی تین مسافروں کوشیخ زائد ہسپتال رحیم یار خان منتقل کردیا گیا جبکہ دیگر زخمیوں کو روجہان ہسپتال شفٹ کردیا گیا ہے دیگر زخمیوں کی حالت اب قدرے بہتر بتلائی جارہی ہے