محکمہ ریونیوراجن پور کی پھرتیاں ،چمک والے مواضعات تاحال کمپیوٹرائزڈ نہ ہوسکے پٹواریوں اور ریونیو آفیسران کی لوٹ مار جاری

راجن پور(ڈسٹرکٹ رپورٹر) محکمہ ریونیوراجن پور کی پھرتیاں ،چمک والے مواضعات تاحال کمپیوٹرائزڈ نہ ہوسکے پٹواریوں اور ریونیو آفیسران کی لوٹ مار جاری ہے شہری علاقوں میں رجسٹری کی بجائے انتقالات کرائے جانے لگے سرکاری خزانے کو لاکھوں کا جھٹکا کمشنر ڈی جی خان ڈویژن نوٹس لیں تفصیلات کے مطابق عوامی وشہری حلقوں نے بتلایا کہ محکمہ ریونیو نے خراب اور بنجر مواضعات کو فوری کمپیوٹرائزڈ کرادیا مگر بہترین پیدوار دینے والے مواضعات اور ایسے مواضعات جن کی آراضی کی قیمتیں اب کروڑوں روپوں کی حدوں کو چھو رہی ہیں جن میں ونگ ،رکھ کوٹ مٹھن ،فاضل پور شہر،کوٹلہ سید خان ،کوٹلہ عیسن ،راجن پور نمبر 1،2 سمیت دیگر شامل ہیں انہیں تاحال کمپیوٹرائزڈ نہیں کیا گیا ہے اب ان مواضعات کے پٹواری اور ریو نیو آفیسران ان زمینداروں سے خوب لوٹ مار کررہے ہیں کئی علاقوں میں تو رجسٹریشن کی بجائے انتقالات کرکے سرکاری فیسوں کی مد میں سرکار کو کروڑوں کاخسارہ پہنچایا جارہا ہے عوامی وشہری حلقوں نے کمشنر ڈیرہ غازیخان سے فوری نوٹس لینے اور ضلع بھر کے مواضعات کو کمپیوٹر ائزڈ کرنے کا مطا لبہ کیا ہے