ابوظہبی کے فرمانروائےکی جا نب سے مختلف علا قو ں میں راشن تقسیم

راجن پور (ڈسٹر کٹ رپورٹر)2003ء سے شیخ خلیفہ بن زاید النہیان، صدر متحدہ عرب امارات و فرمانروائے ابوظہبی کی جانب سے ہر سال رمضان المبارک میں راجن پور، ڈیرہ غازی خان، رحیم یار خان، کشمور، گھوٹکی اور خاران کے اضلاع کے ضرورت مند باشندوں میں اشیائے خوراک کی مفت تقسیم کی جارہی ہے۔ اس مرتبہ بھی 2016ء کے رمضان المبارک کے دوران 150,000 آٹے کے تھیلے (20 کلو کے تھیلے) ضلع راجن پور، ڈیرہ غازی خان، رحیم یار خان، کشمور، گھوٹکی اور خاران میں ضرورت مند باشندوں کے درمیان ڈی سی اوزکے ذریعے تقسیم کیے جارہے ہیں۔ شیخ خلیفہ بن زاید النہیان کے اِس مشفقانہ امدادی اقدام سے ضلع راجن پور، ڈیرہ غازی خان، رحیم یار خان، کشمور، گھوٹکی اور خاران کے مستحقین کو رمضان المبارک میں اُن کی ضرورت کے وقت بہت سہارا ملتا ہے، جس کے لیے ان اضلاع کے مقامی باشندے اور معززین اُن کے تہہ دل سے شکرگزار ہیں اور اُن کی کوششوں کو سراہتے ہیں۔